Tysdag hadde mellomtrinnet ein flott fjelltur. Me starta på Ruud, og gjekk først til Øyestølen. Deretter gjekk me opp til toppen Pikkhaug, og vidare via Ospesete tilbake til Ruud. Ein flott rundtur. Me vart nok litt våte på føtene etter at det har regna dei siste dagane, men det var ingen sure miner av den grunn! Ein kjekk gjeng å gå på tur med.
3 dagar er allereie ved vegs ende på Hauglandsenteret, og me kan love at me kosar oss både elevar og vaksne. Me har vore på utflukt i kano, padla kano og kajakk her i bukta, laga pizza på stormkjøkken, hatt bogeskyting, rapellering, bushcraft og nokre har bada - både ute og inne. Til tross for lange dagar med aktivitetar har det også vore fritid der elevane har stifta nye bekjentskap med elevar frå andre skular, spela spel, bordtennis og fotball osv.
Tysdag 15. november hadde mellomtrinnet ein vellukka kveld med den tradisjonelle innebandyturneringa. Det var god stemning og full innsats på bana, før kvelden vart avrunda med heder og ære til vinnarane og bollar til alle deltakarar.
Me var i dag ute i skogen og plukka sopp, tytebær og blåbær. Då me kom inn att laga me veggavis om det me hadde funne. Seinare skal me nytte det me fann til matlaging. Mykje sopp å finne i år!
Me gjekk frå bommen over Dalåker og til Vardahei. Heim att gjekk me om Hungerhaug, ned att til bommen, og stiar heile vegen ned att til skulen. Spreke elevar med mykje godt humør. Dette var ein flott dag!
I langøkta før mat på torsdag delte mellomtrinnet seg inn i tre grupper og gjennomførte desse aktivitetane: Stratego, sparke ball og orienteringsaktivitetar. Moro å gjere ting i lag!