Hopp til hovedmenyen på siden Hopp til hovedinnholdet på siden
20211022_123923

Internasjonal veke vart avslutta på staseleg vis

Denne veka har me jobba med temaet "Barn - ikkje brud" som TV-aksjonen går til. Me har sett filmar, lese, og lært at i nokre land i verda må jenter heilt nede i 10-12-årsalderen gifte seg med vaksne menn. Dette får sjølvsagt mange negative følgjer både for jentene det gjeld, og for samfunnet som heilskap. Elevane har fått valt korleis ein ville fordjupe seg i emnet. Nokre valde å lage Power Point, nokre ville lage podcast, og nokre laga skodespel. Alle har jobba veldig godt!

Fredag brukte me heile dagen på dette emnet. Då starta dagen med ferdigstilling av fordjupingsarbeidet, før me møtte resten av skulen til appell i gymsalen og marsj rundt i byggjefeltet. Siste timen fekk alle gruppene framføre det dei har jobba med denne veka. 

bilde -20211018-095002-68558562

Besøk på Simas

Måndag etter haustferien, var 5. klasse på besøk på miljøstasjonen. Først var me inne og fekk litt undervisning om Simas, litt generelt om kjeldesortering og nokre quizoppgåver, medan elevane fekk servert frukt. Etterpå var me på omvisning ute på miljøstasjonen. Det var eit spennande og lærerikt besøk. Takk til dei på Simas, som tok godt imot oss!

20210929_112736

Forfattar Pia Strømstad på besøk

Onsdag 29. september hadde me i 5. klasse besøk av forfattar Pia Strømstad. Ho har skrive mange bøker, men den boka ho kom og fotalte om denne gongen heiter 10 ville ekspedisjonar. Ho var veldig engasjerande, og elevane i 5. klasse var meget deltakande. Me lærte til dømes at månelandinga vart redda av ein penn, og at denne no er på utstilling. Takk for besøket!

bilde -20210924-092233-fde01e2b

TMF (trivselsmatfri) fredag 24. september

I dag hadde me litt utvida lunsj i femteklasse, også kalla TMF. Dette var første gong for denne gjengen. Elevane hadde med seg litt god mat kvar til seg, i tillegg til at Alva og Ida hadde laga muffinsar og Amalie hadde baka kanelbollar, som alle fekk smake. Tusen takk til desse tre for initiativet! Elles laga me grupper med "kafébord" og elevane oppretta eigen spotifyliste. Dette var stor stas!  

bilde -20210917-075734-032931de

Siste utflukt for å sjå på kvar elevane bur

I dag, fredag 17.09.21, var me på vår siste av tre miniutflukter. I dag såg me husa til Jonas, Isak, Magnus og Amalie. Nok ein flott tur! No har alle elevane fått bilete av sine hus på veggen i klasserommet.

bilde -20210910-082055-7569a33f[1]

Ny miniutflukt i 5. klasse

I dag gjekk turen på feltet, for å sjå husa til Daniel, Alva, Maria Kristina, Emilie Sofie, Ida, Emil, Tilda, Celine og Diana. Det vart ein fin trimrunde på ein varm haustdag. I klasserommet har me hengt opp bilete av alle husa me har "besøkt" til no:)

20210831_104633

Tur på Skogen

Tysdag 1. september tok me i 5. klasse oss ein tur på Skogen for å sjå på husa til dei som bur der. Vi fekk til og med helse på ein søt, liten hund (som var litt vanskeleg å ta bilde av). 

bilde -20210826-074934-ddcf84a6

Klasse 5A

Førre veke var heile gjengen omsider samla, då tok me klassebilete. Det finaste vart brukt til å henge i klasserommet. Her ser de det biletet, i tillegg til eit litt mindre seriøst eit:) Ein fin gjeng, dette! 

IMG_0350

Faddersamarbeid

Ein hærleg dag for leikar og aktivitetar.

Utsikt på toppen

Mellomsteget på tur

Blide spreke ungar, perfekt turvær, nydeleg utsikt - kan det bli betre?