Onsdag 12. februar var gymsalen oppteken, og sidan det var strålande sol var det ypperleg å ta oss ein tur i nærmiljøet. Me gjekk oppover til Mårkjettehola og fann oss ein fin plass i det nye hogstfeltet. Der hadde 5. klassingane ein aktiv dag med leik og sosialt samvær, i tillegg til at me tok lunsjen utandørs. Mange steikte seg toast og liknande på bålet. Ein fin, halv dag ute!
Onsdag hadde me ein veldig kjekk matematikkdag. 1.-4. klasse var blanda i ulike grupper der alle var gjennom 4 ulike stasjonar i løpet av dagen. Ivrige og engasjerte elevar. Ein kjekk og lærerik dag.
Skidag på Kvernhushaugen i strålande vèr. Det vart både ski, aking, bål og kos denne dagen. Me er heldige som har eit slikt anlegg i nærområdet.
6. februar markerte 1. - 4. klasse samane sin dag. Me var ute og hadde ulike aktivitetar. Elevane fekk høyre eventyr, kaste lasso, spele memory, svare på oppgåver og lage landart. Det smakte godt med mat rundt bålet.
Fredagen før vinterferien hadde 1. - 4. klasse karneval. Elevane svinga seg på dansegolvet i flotte kostyme. Ei elevbedrift i 9. klasse serverte nydeleg gode bollar til oss.
Trude Tjensvold kom til oss og hadde ei visuell historieforteljing frå boka "Bo flyttar ut" med elevane i 1. - 4. klasse. Etterpå fekk me vera med å dikte ei historie og teikne til.
Heldige oss som har den fine skogen rett ved skulen. Me samla 1.-4.klasse, tok med maten og gjekk inn i skogen. Her leika me, samla kongler og rydda boss. Så åt me maten vår før me gjekk attende til skulen.
1.-4. Klasse hadde ein fin tur til Huldresletta. Mykje fin leik i skogen.